మోస్ట్ అవైటింగ్ ఫిల్మ్ ఎన్టీఆర్ హీరోగా నటిస్తోన్న 'జనతాగ్యారేజ్' సినిమా షూటింగ్ ప్రస్తుతం కేరళ జరుగుతోంది. ఈ సినిమాలో మళయాలం వెటరన్ యాక్టర్ మోహన్ లాల్ నటిస్తుండటంతో సౌత్ ఇండియాలో మంచి మార్కెట్ జరిగే అవకాశం ఉంది. ఇందుకోసం సినిమాలో మాస్ మసాల ఎలిమెంట్స్ అన్ని జోడిస్తున్నారు. ఇప్పటికే జనతాగ్యారేజ్ శాటిలైట్ రైట్స్ ను భారీ ధర చెల్లించి 'మా'టీవి సొంతం చేసుకున్న విషయం తెలిసిందే. కేరళ షెడ్యూల్ అయిపోగానే మరొక ఐటెమ్ సాంగ్ ను హైదరాబాద్ లో చిత్రీకరిస్తే సినిమా షూటింగ్ మొత్తం పూర్తయినట్లే. ఈ ఐటెమ్ సాంగ్ కోసం మొదట తమన్నాను సంప్రదించారు. అయితే ప్రస్తుతం తమన్నాకు రెండు బాలీవుడ్ సినిమాల్లో నటించే అవకాశాలు వస్తున్నాయట. ఈ నేపథ్యంలో ఆమె ఐటెమ్ సాంగ్ లో నటించడానికి ఆసక్తి చూపట్లేదని తెలుస్తోంది. దీంతో తమ్ము బ్యూటీకి బదులుగా కాజల్ ను తీసుకుంటున్నట్లు వినికిడి. ఎన్టీఆర్ సరసన అనగానే అమ్మడు ఒప్పేసుకున్నట్లు చెప్తున్నారు. దానికోసం భారీ పారితోషికాన్నే ముట్టజెప్పినట్లు టాక్. గతంలో కాజల్, ఎన్టీఆర్ లు కలిసి బృందావనం , బాద్ షా, టెంపర్ వంటి చిత్రాల్లో నటించారు. మొదటిసారిగా కాజల్ ఐటెమ్ సాంగ్ చేస్తుండడం విశేషం. అనుకున్నట్లుగా పోస్ట్ ప్రొడక్షన్ కార్యక్రమాలు పూర్తియితే సెప్టెంబర్ 2న ఈ సినిమాను విడుదలకు సన్నాహాలు చేస్తున్నారు.
No comments:
Post a Comment