ఫేస్‌బుక్‌’…ప్రపంచాన్ని కుగ్రామంగా మార్చి..ఆధునిక పంథా స్నేహాలకు దారిచూపిన అద్భుత అంతర్జాల సాధనం. ఇదే పేరుతో ఆర్‌.పి.పట్నాయక్‌ దర్శకత్వంలో వెల్ఫేర్‌ క్రియేషన్స్‌ పతాకంపై డామళ్ల విజయప్రసాద్‌ సినిమా నిర్మించిన సంగతి తెలిసిందే. అయితే ఇటీవలి టైటిల్‌ వివాదాల నేపథ్యంలో ఈ సినిమా పేరు మార్చారు. ‘ఫేస్‌బుక్‌’ కాస్త ‘ఫ్రెండ్స్‌ బుక్’ అయింది. హైదరాబాద్‌లో ఆర్‌.పి.పట్నాయక్‌ మాట్లాడుతూ ‘‘చట్టపరమైన ఏ ఇబ్బందులు రాకూడదనే ఈ నిర్ణయం. ‘ఫేస్‌బు్‌’ వారిని సంప్రదించినా..ఎలాంటి జవా బు లేకపోవడంతో టైటిల్‌ మార్చాం.
ఆరుగురు స్నేహితుల మధ్య సాగే కథ ఇది. నైజీరియన్‌ స్కామ్‌కి సంబంధించి ప్రత్యేక కామెడీ ట్రాక్‌ సందేశాత్మకంగా సినిమాలో చూపాం’’ అన్నారు. మళ్ల విజయప్రసాద్‌ మాట్లాడుతూ ‘‘ప్రస్తుతం నిర్మాణానంతర పనులు నడుస్తున్నాయి. ఈ నెల 30న తెలుగు, తమిళ్‌(ముగ పుస్తకం)లో సినిమా రిలీజ్‌ చేస్తున్నాం. యువత మెచ్చే కథాంశంతో తెరకెక్కిన ఈ సినిమా ద్వితీయా ర్థంలో వచ్చే మలుపులు ఆకట్టుకుంటాయి’’ అన్నారు. త్వరలోనే ఈ సినిమా డిజిటల్‌ సాంగ్‌ను రిలీజ్‌ చేయనున్నారు.
No comments:
Post a Comment