ఇబ్బందుల్లో పడనున్న చరణ్ సినిమా!

బాలీవుడ్ సూపర్ స్టార్ అమితాబ్ నటించిన 'జంజీర్' చిత్రం రీమేక్ ద్వారా రాంచరణ్ బాలీవుడ్ ఎంట్రీ ఇవ్వడానికి రెడీ అవుతున్న సంగతి తెలిసిందే. ప్రకాష్ మెహ్రా నిర్మాణంలో ... అపూర్వ లఖియా దర్శకత్వంలో ఈ సినిమా రూపొందనుంది. ఈ సినిమాకి సంబంధించిన షూటింగ్ ఏప్రిల్ నుంచి జరిపేందుకు ప్లాన్ చేశారు. అయితే షూటింగ్ కి ముందే ఈ సినిమాకి అడ్డంకులు ఎదురయ్యే సూచనలు కనిపిస్తున్నాయి. 'జంజీర్' ఒరిజినల్ రచయితల కారణంగా ఈ సినిమా షూటింగ్ ప్రశ్నార్ధకంగా మారే పరిస్థితి వుంది.        'జంజీర్' సినిమా రీమేక్ కి సంబంధించిన విషయంలో దర్శక నిర్మాతలు తమని సంప్రదించకపోవడం పట్ల రచయితలు సలీమ్ - జావేద్ తీవ్రమైన అభ్యంతరాన్ని వ్యక్తం చేస్తున్నారు. ఈ విషయం తమకి చాలా అసహనాన్ని కలిగించిందనీ ... కోర్టుకి వెళ్లేందుకు సిద్ధమౌతున్నామని వారు చెప్పినట్టు తెలుస్తోంది. భారీ చిత్రంతో బాలీవుడ్ ఎంట్రీ ఇవ్వాలని ఉబలాటపడుతోన్న చరణ్, కొత్తగా తలెత్తిన ఈ వివాదం పట్ల ఎలా స్పందిస్తాడో ... ఏమో ..!